Museum Regiunal Surselva

MUSEUM REGIUNAL SURSELVA

RM Seite drucken (öffnet Druckerfenster) RM Seite schliessen (schliesst Druckansicht)

Dad archivs privats

„Dad archivs privats“, aschia senumna in project ch'il MRS ha saviu realisar cun susteniment da „Memoriav – Verein zur Erhaltung des audiovisuellen Kulturgutes in der Schweiz“. Ei vegn rimnau films e relaschs da films da filmaders amaturs, che han registrau naven dils onns trenta eveniments ed era la veta da mintga di ella Surselva sin lur cameras stretgas.

Artisanat tradiziunal

„Artisanat tradiziunal“ senumna ina retscha da films dalla societad svizra per las tradiziuns popularas, ch'ei vegnida realisada naven da 1940 entochen 1990 e muossa ca. tschien  films documentars sur dalla cultura populara dalla Svizra. Ils dretgs da film da tals films che pertuccan il Grischun ein oz tier la societad per la perscrutaziun dalla cultura Grischuna. Nus mussein ina schelta da films dalla Surselva ed il Valrein.

Televisiun Rumantscha

Per lavur da film professiunala dalla e sur dalla Surselva ei en emprema lingia d'engraziar alla Televisiun Rumantscha. Per il Panorama-Surselva ha la Televisiun Rumantscha mess ensemen in'interessanta elecziun.

Giuven Film romontsch

Ils representants dil "Giuven film romontsch", ch'ei vegnius organisaus da l'uniun Movie Encarden, arvan la tschunavla finiastra cun ovras fetg creativas e fictivas. Ella finiastra da program „Movie Encarden / giuven film romontsch“ mussein nus films che han priu part als festivals da film da Surrein 1999, da Suraua 2001 e da Glion 2003. Era ils films renomai da Mic Feuerstein, hosp d'onur al festival da film 2003 da Glion, san ins mirar tier nus.

Divers

Ella categoria "divers", ein differents films da differents filmaders da veser, che san buca vegnir classificai en in'autra finiastra da program.


© 03.12.2021  Museum Regiunal Surselva

TEL ++41 81 925 41 81
info@museumregiunal.ch