RM Seite drucken (öffnet Druckansicht in einem neuen Fenster)

Purschida per scolas e gruppas

Scolas e gruppas ein adina beinvegnidas. Nus essan bugen promts d'organisar ensemen cun Vus in guid el museum ch'ei adattaus per Vus. Sin giavisch purschin nus guids tier specials temas e gidein d'encurir ora in film per cumpletar la viseta el museum.

Guids per scolas e gruppas, ils luvratoris ed il tur d'affons vegnan era menai atras ordeifer il temps d'avertura. Duront las vacanzas da scola vegnan ils luvratoris menai atras dis fix,  aschia san era singuls affons s'annunziar per in ni l'auter luvratori.

Purschidas specialas

Haveis Vus giavischs specials? Leis Vus forsa far cun Vossa classa in picnic en nies curtgin? Haveis Vus gust da presentar in teater el museum? Menasses Vus bugen atras ina lecziun el museum? Cun nus san ins sediscuorer.
Prezi suenter cunvenientscha.

Casas da camp

Cheu anfleis Vus differentas  casas da camp ella Surselva.

Projects da temps vargai

Ina notg el museum

La primavera 2007 havein nus astgau luvrar ensemen cun la classa romontscha da Barbara Candinas. Suenter ina viseta el museum ed ina egliada el cudisch da Emil Brunner "Tausend Blicke", han ils scolars scret tschun tocs da teater. Suenter entginas emprovas ein ils teaters vegni menai si la  "Notg el museum" avon ils geniturs, fargliuns, tats e tattas, augs ed ondas. Igl ei stau ina fetg biala occurrenza cun egls tarlischonts. Cheu in pèr impressiuns da quella sera.

 

-(neues Fenster öffnet Foto in Originalgrösse)
-(neues Fenster öffnet Foto in Originalgrösse)
-(neues Fenster öffnet Foto in Originalgrösse)