RM Seite drucken (öffnet Druckansicht in einem neuen Fenster)

Luvratoris per affons

Per gruppas e scolas (min. 5 participonts) purschin nus tschun differents luvratoris. Quels porschan lavurs a maun tradiziunalas: "Far lischiva" (mo la stad), "Paun sur la burnida", "Pistregn, frina e paun", "Dil fil alla teila" ed il luvratori "Spassegiada alpestra". Sin moda interessanta vegn intermediau savida historica. Tier nos luvratoris stat igl experimentar ed igl emprender d'enconuscher differentas materialias el center.
Sils fastitgs dils affons dil 19avel tschentaner van las scolaras ed ils scolars el luvratori "Ils Schuobacheclers". Niev purschin nus ina guida culturala atras il marcau vegl da Glion special per scolars dalla 4. entochen 6. classa, numnada "Memory Tour".

Ils luvratoris cuozzan ca. 2 uras, auter ch'il luvratori "pistregn, frina e paun" che cuozza in miez di. Lez ha era liug ordeiver il museum en il pistregn dalla casa pervenda catolica a Sagogn. Ils termins per ils luvratoris vegnan coordinai individualmein.

Niev!
Dils 01.05.2019 entochen ils 01.05.2020 dat ei in acziun speciala tier il giubileum 40 onns Fundaziun Museum Regiunal Surselva cun prezis specials:

luvratoris da 2 - 3 uras el Museum Regiunal:
1 - 10 affons fr. 75
11 - 20 affons fr. 120

luvratori da miez di a Sagogn:
1 - 10 affons fr. 150
11 - 20 affons fr. 240

 
Descripziun dils singuls luvratoris - download flyer...

-(neues Fenster öffnet Foto in Originalgrösse)
-(neues Fenster öffnet Foto in Originalgrösse)
-(neues Fenster öffnet Foto in Originalgrösse)