RM Seite drucken (öffnet Druckansicht in einem neuen Fenster)

Il project survetsch scientific (PWD)

Duront 1994 e 2006 ei il project survetsch scientific (PWD) vegnius elavuraus el Museum Regiunal Surselva. Grazia a quei project posseda il MRS ina impurtonta documentaziun sur dalla rimnada. Il project ei vegnius finanziaus dil stadi e dil cantun Grischun cun la finamira da luvrar si e profundar ils temas dalla rimnada. 

La menadra dil project e conservatura, lic. phil. Marianne Fischbacher ei vegnida accumpignada en sia lavur dil cussegl da perscrutaziun (2007): Dr.Georg Jäger, prof. dr. Walter Leimgruber e dr. Felix Giger. Il cussegl da perscrutaziun exista vinavon suenter la finiziun dil project survetsch scientific, demai ch'igl ei previu ella strategia nova, da serrar las largias existentas e documentar vinavon  igl augment dalla rimnada cun students dallas scolas aultas.

Biblioteca ed archiv

 La documentaziuns exista ord ina part biblioteca ed ina part archiv.

  • Ella biblioteca vegn la literatura publicada rimnada. Surtut las disciplinas che pertuccan la historia e la folclora tradiziunala per la perscrutaziun dils impurtonts temas el MRS.  Ils biars dils 1500 tetels ein vegni schenghegai al MRS entras persunas privatas, Museum Retic sco era dils artavels da prof. dr. Richard Weiss.  Vitier vegnan parts dalla biblioteca  speziala da dr. Alfons Maissen.
  • La part digl archiv cuntegn documents cun indicaziuns ch'ein vegni fatgs sur digl inventari dil museum, p.ex. historias sur d'objects, notizias cun sclariments da  persunas involvadas, documents privats dils possessurs, artechels da gasetta, fotografias e films. Totalmein 1085 tetels.
  • Archiv e biblioteca ein accessibels sin la software WinMedio.
  • Il post da documentaziun ei vegnius endrizzaus per la lavur interna dil museum. Sclariment a persunas externas sa denton vegnir daus. 
  • In emprest da medias ei buca pusseivels.

Rapport final dil project survetsch scientific (PWD)

Alla fin dil project survetsch scientific ha la menadra dil project, lic. phil. Marianne Fischbacher,  elavurau la fin mars 2007 il rapport final. Quel san ins cargar giu cheu. Sco resumaziun dallas lavurs dil project survetsch scientific exista la survesta PWD 1994-2006  e tier las lavurs el museum la survesta Casa Carniec 1994-2006.

nach oben