URAS D'AVERTURA:
Il Museum resta serraus entochen e cun ils 01-01-2026.
Naven dils 02-01 – 31-03-2026 ei il museum aviarts mardis entochen dumengia dallas 14.00–17.00.
Gliendisdis serrau.
Aviert per ils visitaders ei l’emprema alzada dalla exposiziun speciala wir Frauen – Nus fagein e basta! ed il tschaler da cristallas. Las ulteriuras alzadas restan serradas pervia da lavurs da renovaziun fin l’avertura dalla nova exposiziun permanenta ils 14 da zercladur 2026.
La Memory Tour per classas da scola el Städtli da Glion e visetas guidadas atras l’exposiziun speciala actuala fagein nus sin damonda era ordeifer las uras d’avertura.
Menaschi da bar mintgamai il davos venderdis dil meins naven dallas 18.00.
Nova exposiziun speciala:
Wir Frauen - nus fagein e basta!
13-9-2025 – 29-3-2026
Per il giubileum da 50 onns Uniun da dunnas Sevgein fan l’uniun ed il Museum Regiunal Surselva communablamein in’exposiziun che sededichescha alla historia dall’uniun – ed aschia allas dunnas savens survesidas en nossa vallada.
L’exposiziun muossa quei ch’ei meinsvart nunveseivel – e suonda ils fils dalla historia feminina enteifer il mintgadi. Ella secolligia cun dunnas che fan politica, lavuran voluntariamein, sescoleschan, educheschan, dattan vinavon tradiziuns e cultura – e sedamonda era: Da tgei ponn ein las heroxas dil mintgadi insumma fatgas?
Uniun purtadra: Uniun da dunnas Sevgein
Curatori: Yvonne Gienal, Tabea Ammann
Program accumpignont e guidas publicas: museumregiunal.ch
Ina nova exposiziun permanenta pil Museum Regiunal Surselva
Duront ils davos 15 onns ha la fundaziun Museum Regiunal Surselva investau bia en la cumplettaziun, en l’analisa scientifica ed en la digitalisaziun digl inventari. Igl onn 2013 han ins saviu realisar in deposit (arcun da cultura) aposta pils objects dil museum. Medemamein ei la Casa Carniec vegnida renovada e modernisada. In ascensur colligia oz las alzadas dil museum cun rodund 900 m2 surfatscha da diever.
Sco davos pass duei uss l’exposiziun permanenta vegnida modernisada e surluvrada tematicamein da funs ensi. Per contonscher in concept da realisaziun consolidau han ins elaborau en in emprem pass in muossavia pil museum futur. Quei muossavia ei seresultaus ord in stretg brat denter il cussegl da fundaziun ed il team dil museum e cumpeglia sper in’analisa da SWOT, ina strategia (visiun, missiun, finamira e mesiras concretas) sco era in’emprema messa davart ils temas, il narrativ e davart il diever dallas localitads.
Actualmein sesanfla il project en la fasa da finanziaziun. Igl MRS enquera donaturAs e sponsurAs per realisar l’exposiziun. Cheu anfleis Vus ulteriuras Informaziuns davart la concepziun:
Indicaziuns da banca:
Graubündner Kantonalbank
Stiftung Museum Regiunal Surselva
Städtlistrasse 10, 7130 Ilanz
IBAN CH03 0077 4110 2316 0560 0
