Museum Regiunal Surselva

MUSEUM REGIUNAL SURSELVA

RM Seite drucken (öffnet Druckerfenster) RM Seite schliessen (schliesst Druckansicht)

La rimnada da films

Cuort suenter ch'il "Project survetsch scientific" ha giu entschiet cun temas museals, ha la conservatura encurschiu, ch'ils films ein fetg adattai per illustrar e demonstrar aunc meglier ils fatgs historics. Il film da Pius Schmid, che muossa la demontascha dalla punt da Glion 1961/62, ha fatg l'entschatta.
Cun sustegn finanzial e professiunal da Memoriav, eis ei stau pusseivel da surprender numerus films per schar digitalisar els. Biars da quels films ein gia stai tagliai e montai dils auturs, aschia che nus havein saviu surprender ovras finidas.

Naturalmein ein era ils tschun films, che dr. Alfons Maissen ha realisau en Surselva sin incarica dalla societad svizra per las tradiziuns popularas, ina raschun per drizzar en ina sala da projecziun.

Per far aunc in pli vast maletg dalla veta en Surselva, essan nus sedrizzai alla Televisiun Rumantscha. Gentilmein ha la TVR surdau al museum divers films sur dils habitonts e temas en Surselva. Quels films, cun suttetel tudestg, ein ina buna fontauna d'informaziun per ils visitaders dil museum.

E "last but not least" havein nus tratg l'egliada dil panorama entochen tier il temps dad oz. Il giuven film romontsch festivescha sia lavur al festival da film romontsch. Ils films premiai  ein tuts presents el "Panorama Surselva" - pia mo tier nus e schiglioc negliu!

Il  "Panorama Surselva" ha saviu vegnir realisaus muort il grond susteniment dalla Pro Helvetia,dalla fundaziun Ulrico Hoepli ed il marcau da Glion.


© 08.06.2023  Museum Regiunal Surselva

TEL ++41 81 925 41 81
info@museumregiunal.ch