RM Seite drucken (öffnet Druckansicht in einem neuen Fenster)

Luvratoris per scolas dil scalem mesaun e superiur

Il tema "Schuobacheclers" fatschenta affons, giuvenils e carschi semegliontamein. Daco vegnevan ils affons dils vitgs muntagnards tarmess naven avon 150 onns tier glieud jastra, nua ch'els stuevan luvrar sco carschi? Stuevan els buca ir a scola? Cun tgei experientschas turnavan els a casa? El luvratori "Schuobacheclers" sefatschentein nus cun quellas damondas.


Luvratori per il scalem mesaun

Nus raquintein la historia da Gieri (12) ed Anna Maria (10) da Trun. Siu viadi el Schuob vegn interruts cun lavurs en gruppas sco p.ex. anflar la via a Ravensburg, eruir tenor ina gliesta d'identitad, la derivonza e la vegliadetgna dils affons ni mirar schebein ei eran dapli mattatschas ni buobs. Per vegnir tier forzas dat ei paun dir e schneclas meila. Nus mein a pei blut, fagein cumbinialas cun maletgs historics e discurrin e reflectein.
Sco finiziun zambergein nus in sacados.

Luvratori per il scalem superiur

Il luvratori per il scalem superiur ha la medema structura sco il scalem mesaun. Sin giavisch purschin nus supplementar in modul "Lavur d'affons d'ozildi" cun discussiuns davart la Convenziun dils dretgs digl affon dallas Naziuns Unidas. Las scolaras ed ils scolars tuornan a casa cun in portacletg ch'els san far sez ord crap scalegl.

 

Niev vein nus il modul migraziun d’affons sco tema integrau en nies program. In tema fetg actual ch’occupa giuven e vegl

Dapli informaziuns dil project internaziunal "Schwabenkinderweg". Download.  

Menadras dil luvratori: Edith Albin (tudestg e romontsch) e Claudia Bosshard Gallatti (tudestg)

 

Liug Museum Regiunal Surselva

 

Cuoz

Luvratori minimum 2 uras

Luvratori cul modul supplementar minimum 3 uras

Niev!
Dils 01.05.2019 entochen ils 01.05.2020 dat ei in acziun speciala tier il giubileum 40 onns Fundaziun Museum Regiunal Surselva cun prezis specials
1 - 10 affons fr. 75
11 - 20 affons fr. 120

 

Documentaziun

Per scolast e menaders da gruppas stat material didactic en lungatg romontsch a disposiziun per la preparaziun sin la viseta dil luvratori el Museum, adattau pil ciclus 3 (7 – 9 classa).

En lungatg tudestg stat era ina documentaziun a disposiziun.

 

Il material didactic sa vegnir retratgs tier il MRS suenter ina cunvegna da termin per la viseta al luvratori.


Termins tenor cunvegnientscha cun las persunas d’instrucziun.

 

 

Fotografias: David Halser

Ina gruppa tier la valetaziun dallas gliestas da pass.
-(neues Fenster öffnet Foto in Originalgrösse)
Valetaziun dallas vischnauncas da derivonza.
-(neues Fenster öffnet Foto in Originalgrösse)
Ord il temps dils schuobacheclers dat ei mo paucas fotografias.
-(neues Fenster öffnet Foto in Originalgrösse)
Schigentar ils peis suenter ir a pei blut.
-(neues Fenster öffnet Foto in Originalgrösse)
Ils calzers d'ozildi sper ils calzers d'antruras.
-(neues Fenster öffnet Foto in Originalgrösse)
Grond engraziament per la viseta dalla scola da talents Glion!
-(neues Fenster öffnet Foto in Originalgrösse)

Emprova cun la scola bilingua da Glion

Suenter igl ir a pei blut....
-(neues Fenster öffnet Foto in Originalgrösse)
...vegn schigentau ils peis.
-(neues Fenster öffnet Foto in Originalgrösse)
La vestgiadira ed il sacados dils schuobacheclers...
-(neues Fenster öffnet Foto in Originalgrösse)
...vegn empruau...
-(neues Fenster öffnet Foto in Originalgrösse)
...cun fatscha rienta .
-(neues Fenster öffnet Foto in Originalgrösse)
Cheu vegn fatg ina cumbinella cun grond engaschi.
-(neues Fenster öffnet Foto in Originalgrösse)