RM Seite drucken (öffnet Druckansicht in einem neuen Fenster)

Edith Albin

Edith Albin, oriunda dad Aachen, ei agronoma e formatura da carschi e viva gia dapi 20 onns en Surselva.
Ella ei vegnida sco signuna sin in'alp en Lumnezia. Ussa meina ella ensemen cun siu um e quater affons in menaschi puril biologic a Tersnaus (www.biohofalbin.ch). 
Edith Albin ei fetg interessada da tut quei che la regiun alpina porscha: cultura, lungatg, historia, la natira alpestra, alpicultura, velo da muntogna, viandar ed il s'entupar dil vegl ed il niev en quei ambient.
Ella ha sviluppau ils luvratoris “Spassegiada alpestra” e “Schuobacheclers.

Claudia Bosshard Gallati

Claudia Bosshard Gallati ei mumma da treis affons e habitescha cun sia famiglia dapi tschun onns a Morissen.
L'encarschadetgna per ils cuolms ha menau ella a Morissen, nua ch'ella gauda siu temps liber il pli bugen ora ella natira cun far bialas spassegiadas. Claudia ha biars interess. Bugen sefatschenta ella cun la natira, ils animals, las jarvas, l'economia d'alp e l'agricultura.
El Museum Regiunal meina Claudia ils luvratoris  „Paun sur burnida“ ed "Ils schuobacheclers".


Petra Cavelti

Petra Cavelti ei mumma da treis affons e viva cun siu um e famiglia en siu vitg natal Sagogn. Sco commembra activa en differentas uniuns s’interessescha ella fetg per la veta en sia vischnaunca. Dalla generaziun veglia ha ella empriu il far paun el „pistrin“, sco ils da Sagogn numnan lur pistregn. Ord finiastra cuschina, nua ch’ella emprova bugen ora novs rezepts da pauns e petas, ha ella bien en egl il pistregn renovau davos la casa parvenda catolica da Sagogn. Leu han el futur liug ils luvratoris d’eveniment per affons «pistregn, frina e paun» dil MRS.

-(neues Fenster öffnet Foto in Originalgrösse)

Ursula Arpagaus

Ursula Arpagaus ha viviu biars onns ella bassa. Dapi entgin temps ei ella puspei secasada en sia patria, la Val Lumnezia. Naven digl onn 2007 eis ella el team da cassa e guid. Bugen segida Ursula Arpagaus era tier ils luvratoris per affons. 

-(neues Fenster öffnet Foto in Originalgrösse)

Gaby Schaub

Miu num ei Gaby Schaub ed jeu habitschel a Pfannenstiel/ZH. Cun mia famiglia ni cun mias scolaras vegnel regularmein dapi 25 onns en Surselva. La Surselva, "Sur igl uaul",  cun sia reha cultura, sia historia, sia natira e ses carstgauns ha plaschiu a mi ed ei ussa mia secunda patria. Hai empriu romontsch, priu part alla scolaziun sco menadra da cultura. Ensemen cun collega Gion-Duri Gisler havein creau la guida Memory-Tour. Ina guida  interactiva. Quella guida duei far attents affons e giuvenils sin ils scazis dalla Surselva e da Glion. Cun plascher salidel jeu classas da scola dalla regiun mo era dalla Bassa .

-(neues Fenster öffnet Foto in Originalgrösse)

Gion-Duri Gisler

Atgnamein sun jeu in da Turitg (Limmattal). Gia fetg baul hai jeu empriu d'enconuscher la Surselva e quei sco hosp da vacanzas, scolast e schuldau. La cultura, la historia mo era la bellezia cuntrada fascinescha mei bunamein 50 onns. Miu domizil ei ussa Flond. Las diversitads dallas stagiuns, las multifaras  purschidas culturalas ein per mei in deletg. Suenter haver absolviu la scolaziun da menader da cultura hai jeu ussa il desideri da dar vinavon a scolars e scolaras mia savida e quei cun grond anim.

Ensemen cun ina collega havein creau il „Memory Tour“  in gir per affons tras il marcau da Glion. Jeu selegrel d'interessantas sentupadas e fetgel als participonts in cordial beinvegni.