Museum Regiunal Surselva

MUSEUM REGIUNAL SURSELVA

RM Seite drucken (öffnet Druckerfenster) RM Seite schliessen (schliesst Druckansicht)

-(neues Fenster öffnet Foto in Originalgrösse)

Accumpignei nus alla tscherca da fastitgs – daventei dedectivs historics!

 

L’historia medicinala dil Grischun e dalla Surselva ei perscrutada mo per part e la litteratura dat pauc sclariment en quei connex. La savida da quei tema cattan ins els tgaus dalla populaziun indigena, quei san esser regurdientschas, historias e tradiziuns che vegnan raquintadas vinavon e che vegnan transmessas da generaziun a generaziun.

El rom dil project "medischina el vitg" encurin nus persunas sco Vus che van en lur vitg, en lur ravugl d'enconuschents ni lur famiglia alla tscherca da historias sur dalla medischina e che rimnan quellas per nus.

  Forsa haveis Vus enzatgi en Vossa famiglia ch'enconuscha mieds da casa tradiziunals encunter cunauras ni problems dil magun e leis sciver si quels recepts?

 

  Enconuschis Vus forsa ina spindrera che ha accumpignau pli baul las dunnas duront la gravidonza e la naschientscha e leis far in'intervesta cun quella dunna versada?

 

  Forsa enconuschis Vus il miedi da casa da pli baul e leis documentar sia lavur e las midadas el decuors dils onns?

 

Vus essas cordialmein envidai da contribuir activamain alla perscrutaziun da sanadad e malsognas en Surselva.

Vossa participaziun legrass nus zun fetg!

 

Annunzias sut 081 925 41 81 ni info@museumregiunal.ch


© 23.04.2024  Museum Regiunal Surselva

TEL ++41 81 925 41 81
info@museumregiunal.ch