RM Seite drucken (öffnet Druckansicht in einem neuen Fenster)

Nova conservatura naven dils 01 d’avrel 2019

Naven dils 01 d’avrel 2019 ha il cussegl da fundaziun engaschau Dr.Ursina Jecklin-Tischhauser sco successura da Lic.phil. Marianne Fischbacher. Dunna Jecklin ha terminau il studi da historia d’art, archeologia e historia dil temps mediaval. Il cussegl da fundaziun ha elegiu dunna Jecklin ord numerusas annunzias ed ei perschuadius che l’elecziun ei stada endretga per il svilup dil Museum Regiunal Surselva.

-(neues Fenster öffnet Foto in Originalgrösse)

La secretaria

Paula Tuor-Bundi s'auda tapi il dezember 2016 tier nies team. Ella ha l'incumbensa da secretaria. Lur dacasa ei Rabius ed ella ha dus affons. Dalla natira, animals, sco era dalla musica ha ella grond interess. Mo surtut il sunar tiba d'alp schai ad ella sil cor.

Las guidas

Nies team per ina viseta cun guid sepresenta.

Rita Gamboni, coordinatura

Rita Gamboni da Schluein ei gia dapi igl onn 2009 el team da cassa e guid dil MRS. Aschia enconuscha ella fetg bein il museum. Ella surpren la nova funcziun da coordinatura. Ella pren encunter las annunzias da gruppas, coordinescha ils workshops per classas da scola, organischescha il team, prepara aperitivs ed auters eveniments, fa las cumpras per il shop dil museum e mira che las glischs el museum arden. El team da guid resta ella vinavon, pertgei ella less en mintga cass buca renunziar al contact direct cul publicum.

Benedicta Weishaupt

Benedicta Weishaupt deriva dalla Val Lumnezia ed ei scolasta primara. Naven digl onn 2007 fa ella part da nies team. Demai ch'ella deriva dil sectur pedagogic, ein las classas da scola tier ella en buns mauns. Benedicta Weishaupt sa explicar bia caussas partenent l'exposiziun ed era raquintar ord atgna experientscha sur dil process da biaras lavurs da pli baul.

Ursula Arpagaus

Ursula Arpagaus ha viviu biars onns ella bassa. Dapi entgin temps ei ella puspei secasada en sia patria, la Val Lumnezia. Naven digl onn 2007 eis ella el team da cassa e guid. Bugen segida Ursula Arpagaus era tier ils luvratoris per affons. 

Regula Ragettli

Era Regula Ragettli ei dapi igl onn 2007 engaschada tier nus. Ella ei mumma da tschun affons e viva cun sia famiglia a Valendau. Regula Ragettli ha biars interess ed ei adina buna per ina surpresa. Classas da scola meina ella cumpetentamein tras il museum.

-(neues Fenster öffnet Foto in Originalgrösse)

Claudia Bosshard Gallati

Claudia Bosshard Gallati lavura dapi igl uost 2016 tier nies team da cassa.

Ella habitescha a Morissen ed ei mumma da treis affons. Il schar encrescher per ils cuolms ei stau il motiv ch'ella ei secasada ella biala Val Lumnezia. En siu temps liber eis ella aschia era il bia ella natira ed els cuolms. Ella ha grond plascher vid la natira, las plontas e jarvas sco era vid l'alpicultura e l'agricultura. El Museum Regiunal ei ella era menadra dils luvratoris d'affons  „Paun sur burnida“ ed "Ils schuobacheclers".


Il meglier personal da schubergiar

Regula Ragettli e Bernadette Wieland ein nossas fidadas dunnas da schubergiar. Ellas ein premuradas ch' il museum seigi buca tut da puorla. Cun bia sentiment e quitau damognan ellas siu pensum.

nach oben