RM Seite drucken (öffnet Druckansicht in einem neuen Fenster)

Nossas menadras e nos menaders sepresent

Il team da mira!cultura porscha  dapi il matg 2015 a hosps da vacanzas, gruppas da viandar mo era ad indigens ina investa dil temps vargau mo era dil temps actual. Lur mistregn han ils "Guides" empriu en cuors da plirs dis, sin excursiuns, guidas d'emprova ensemen cul team. Persunas dil fatg da l'architectura, fotografia, historia, historia d'art, teologia, etnologia, turissem, metodas didacticas e da menar ein s'engaschadas per quella scolaziun ed han intermediau lur savida.

Röbi Werro

-(neues Fenster öffnet Foto in Originalgrösse)

Miu num ei Röbi Werro. Jeu sun naschius a Glion, passentau cheu mia affonza, absolviu las scolas ed era la scolaziun professiunala.

Mes ligioms cun Glion e contuorn ein bein il motiv per miu interess per la historia ed ils eveniments da Glion. Cun la scolaziun sco menader da cultura hai jeu saviu seprofundar ed era augmentar mia savida hostorica e culturala. Cuort e bien: "El ei in da Glion" e cun plascher accumpognel jeu vus tras il marcau  "z'Städtli" von Ilanz.

 

 

Gion-Duri Gisler

-(neues Fenster öffnet Foto in Originalgrösse)

Atgnamein sun jeu in da Turitg (Limmattal). Gia fetg baul hai jeu empriu d'enconuscher la Surselva e quei sco hosp da vacanzas, scolast e schuldau. La cultura, la historia mo era la bellezia cuntrada fascinescha mei bunamein 50 onns. Miu domizil ei ussa Flond. Las diversitads dallas stagiuns, las multifaras  purschidas culturalas ein per mei in deletg. Suenter haver absolviu la scolaziun da menader da cultura hai jeu ussa il desideri da dar vinavon a scolars e scolaras mia savida e quei cun grond anim.

Ensemen cun ina collega havein creau il „Memory Tour“  in gir per affons tras il marcau da Glion. Jeu selegrel d'interessantas sentupadas e fetgel als participonts in cordial beinvegni.

Susanne Hesselbarth

-(neues Fenster öffnet Foto in Originalgrösse)

"Ins vesa mo igl enconuschent". Aschia eis ei stau tier mei cura che sundel stada l'emprema gada avon las ovras dil Meister da Vuorz. Cun mei va ei aunc oz aschia. Adina puspei cattel ad agur enzatgei niev, in detagl, in moviment, ina differenza da colur, schabetgs historics, documents vegls ed ils resultats actuals dallas lavurs da perscrutaziun.

Cun plascher porschel a vus in guid. Leu lessel raquintar digl ambient artistic Meister da Vuorz , dallas cundiziuns da viver e da luvrar en la Surselva el temps medieval, dalla tecnica dalla pictura al fresco ed aunc bia auter. Jeu selegrel da vossa viseta.

 

Anne-Louise Joël

-(neues Fenster öffnet Foto in Originalgrösse)

Bien gi, jeu haiel num Anne-Louise Joel. Jeu stun a Vella e lavurel en la Casa d'Angel a Lumbrein. La nova casa da cultura en Lumnezia. Carschida si sundel a Danemarc, habitschel denton bunamein 20 onns en Val Lumnezia e secapescha haiel empriu romontsch. Sco feglia d'in matros e historiografin raquentel cun engaschament historia/historias. Als hosps lessel mussar co ils Lumnezians tgiran siu lungatg, sia cultura e la historia. Era per ils eveniments globals han els in'ureglia attenta. Beinvegni ella Lumnezia

Simon Derungs

-(neues Fenster öffnet Foto in Originalgrösse)

Bien gi, jeu hai num Simon Derungs. A Surcasti sundel naschius e passentau leu mia affonza. La via professiunala ha entschiet a Mustér ed a Zug. Suenter plirs onns da lavur en la Bassa sundel puspei turnaus en mia patria. Adina ha la historia da Surcasti/Suraua e dil casti al pei dil muot dalla baselgia s. Luregn fascinau mei. Bia san ins raquintar dalla culegna da bronz el contuorn dil casti,  dils signurs da Überkastel, dil vitg Surcasti e dalla Lumnezia Sut, numnada Suraua. Sco il num mira!cultura di, offereschel cun plascher ina guida alla populaziun indigena mo era als hosps da vacanzas.

Marco Curti

-(neues Fenster öffnet Foto in Originalgrösse)

Marco Curti ei dapi 3 onns sesents a Morissen. El ha studegiau historia, lu midau en la sparta bancara. El ei scolaus sco menader da viandar.

Tier ils guids da mira!cultura intermediescha el cun entusiassem e cumpetenza sia carezia per la patria eligida, la Val Lumnezia. Marco Curti ha priu part al cuors da "refoGuide" e fa a Glion, il marcau dalla reformaziun, guids dil tema "Loghens e fastitgs dalla reformaziun".

 

 

Sidonia Kasper-Ragettli

-(neues Fenster öffnet Foto in Originalgrösse)

Naschida e carschida si a Flem e gia d'affonza ha jeu astgau far experientschas cun il marcau da Glion. Historia e historias han gia adina faszinau mei ed accumpignau mei atras la veta. Jeu teidlel e raquentel bugen sur da nossa cussteivla cultura; gl'emprem sco catecheta e pli tard sco onda da praulas ed ussa sco guida da baselgias ni dalla historia dalla reformaziun.

Tobias Heinisch

-(neues Fenster öffnet Foto in Originalgrösse)

Bien gi, jeu sun Tobias. Sco affon da geniturs da Vienna sun jeu carschiu si al Lag Bodan ed avon bunamein diesch onns, atgnamein intec nunspitgau denton ventireivels, sun setschentaus en Surselva. Era sche il lag maunca mintgaton a mi datti strusch enzatgei pli bi che admirar ils cuolms cuvretgs cun neiv visavi a Breil ina notg da glina cun in tschiel plein steilas ni mirar sil Péz Fess che tarlischa el davos radi sulegliv. Sco historicher cun il focus historia religiusa selegrel jeu surtut d’astgar presentar a vus ils scazis sacrals dl mia secunda patria, mo gest aschi intressant ein las legendas e historias da nossa vallada aschi reha. Ed era legra ei mei che nos vischins da Sursaissa ein stai inagada 300 onns austriacs -  quei datg ligioms.  Sin seveser, e tochen gleiti!

 

 

Beatrix Purchart

-(neues Fenster öffnet Foto in Originalgrösse)

Suenter biars onns da lavur en l’industria finanziala hai jeu anflau mia patria en la Val Lumnezia, era muort miu hobby, il sport da muntogna. Sco economa e historica d’economia hai jeu gia adina s’occupau cun il svilup historic global e lur connex. Igl ei denton era fetg intressant da contemplar la multifara historia lokala dallas vals dil Grischun en il connex global ed ei fa a mi grond plascher da dar vinavon cun guidas miu saver.

Gian Bundi

-(neues Fenster öffnet Foto in Originalgrösse)

Gian Bundi  practicescha sco miedi dapi 1988 a Vella ella Lumnezia. Duront 32 onns eis el staus activs sin ils pli differents secturs. Cun lauter onn (2021) va el en pensiun. Dapi entgins onns seprepara el sin quei pass el il niev temps. Finalmein ha el era peda per ses hobbis. Aschia per viagiar cun in camper, ir cun mountain bike, far turas sin las muntognas, cavar cristallas, dar golf e per la cultura locala. Dapi biars onns ei igl  interess vid la historia locala presenta. Cun sia pensiun vegn el era a saver sedar giu pli bia sin quei camp. Aschia sengascha el era sco guid da cultura en Lumnezia.

Guido Dietrich

-(neues Fenster öffnet Foto in Originalgrösse)

Olivia Pfister-Tgetgel

-(neues Fenster öffnet Foto in Originalgrösse)

Ursula Brändli Capaul

-(neues Fenster öffnet Foto in Originalgrösse)

Bien di bien onn. Jeu, Ursula Brändli Capaul, sundel carschida si a Cuera en ina famiglia bilingua. Suenter il seminari scolastic haiel jeu studegiau logopedia a Fribourg. L’attaschadadad cun la Surselva hai jeu gia retschiert en tgina. Miu tat e mia tatta vevan in pign bein puril a Zignau sper Trun. Dapi 30 onns habiteschel jeu a Rueun e separtizipeschal activ vid las occurenzas culturalas sco era vid la veta dil vitg e dalla regiun. Mia fascinaziun per la historia dil vitg e dil contuorn ei ferms. Il project „Minas da Gulatsch“ a Rueun hai jeu gidau a sviluppar ed accumpognel vinavon. Ina guida adattada ei elaborada e e parta probabel igl onn 2021.

Michael Friberg

-(neues Fenster öffnet Foto in Originalgrösse)

Bien di e buna sera. Jeu senumnel Michael Friberg e habiteschel a Breil, en quei vitg nua che sun carschius si sco fegl da purs e pli tard lu luvrau sco scolast e meinascola. Aschia hai saviu persequitar il svilup dil vitg da purs tier la destinaziun da vacanzas. Miu grond hobby ei la historia locala. Suenter la scolaziun da guid da cultura selegrel jeu d'astgar presentar a nos hosps ed indigens il vitg cun tut sias fatschas.
Cordial beinvegni a Breil!

 

David Flepp

-(neues Fenster öffnet Foto in Originalgrösse)

Cordial beinvegni,
jeu hai plascher da mussar a vus la Surselva. Bugen guidel jeu Vus tier scazis zuppai dalla cultura romontscha e garneschel quels cun historias frestgentontas. En mia lavur sco promotur da lungatg dalla Lia Rumantscha sensibiliseschel jeu ils hosps pil lungatg ed animeschel ils indigens da duvrar il romontsch cunscientamein. Ed en mia secunda lavur sco actur independent seschluiteschel jeu bugen en figuras historicas.

Veronica Cathomen-Casanova

-(neues Fenster öffnet Foto in Originalgrösse)

Miu num ei Veronica Cathomen-Casanova. Jeu habiteschel e lavurel a Breil.Sper mia famiglia e mia clamada da scolasta ei mia passiun il far teater nua che jeu separticipeschal sch'igl ei pusseivel. Dapi entgins onns sun jeu era ina part dallas guidas inszenadas el marcau vegl da Glion. Sin mia guida a Breil vegnis vus ad emprender d'enconuscher la destinaziun da vacanzas ed era sentir co la veta dil vitg tradiziunal ei sementenida. Jeu selegrel sin Vus.

Alice Bertogg-Darms

-(neues Fenster öffnet Foto in Originalgrösse)

Cordial beinvegni a Glion! Jeu sundel promotura regiunala dalla Lia Rumantscha. Als Sprachförderin darf ich Gästen und Einheimischen die Rätoromanische Sprache und Kultur näherbringen. Das Ilanzer Städtli bietet dazu wunderbare Ecken und Geschichten. Und als waschechte Rätoromanin singe, schreibe und patarlel jeu per romontsch. Für Sie selbstverständlich auch auf Deutsch. Sin seveser!