RM Seite drucken (öffnet Druckansicht in einem neuen Fenster)
interner Link zur Starseite  Home actual 

Proximas occurrenzas:

 

 

 

-(neues Fenster öffnet Foto in Originalgrösse)

 

Exposiziun speziala "13 x Ilanz/Glion. Cumin e Cuminonza"
1 da zercladur 2024 – 31 da mars 2025

 

31 da matg 2024, 19.00 vernissascha per ils hosps envidai

 

Fotografias Lucia Degonda ı Jaromir Kreiliger

 

L'autonomia communala ha ina gronda impurtonza el Grischun. En vesta al svilup historic dalla vischnaunca en il cantun ed en Surselva s' occupa l' exposiziun speziala el Museum Regiunal Surselva cun la vischnaunca da Ilanz/Glion ch' exista dapi gl’onn 2014 e sedamonda davart la furoma dalla convivenza ella politica ed ella societad.

 

En numerus purtrets ed intervestas vegnan persunas a plaid dalla vischnaunca e las visitadras ed ils visitaders pon exprimer sezs lur opiniun davart temas sco la cogestiun, la furmaziun d' opiniuns, la convivenza e gl’engaschament. L' exposiziun sa vegnir visitada en parts dallas fracziuns da Pigniu, Luven, Castrisch e Pitasch.

 

Curatur hospitont Bruno Meier, scenograf Remo Arpagaus

 

 

 

«Bundstag» a Glion ils 1 ed ils 2 da zercladur 2024

 

Per il giubileum «500 onns stadi liber dallas Treis Ligias» planisescha il cantun Grischun gl'onn 2024 differentas occurrenzas. En collaboraziun cun las vischnauncas vegn il cantun Grischun presentaus anoviars en sia particularitad ch’ei carschida historicamein. Las festivitads duront igl onn da giubileum cumpeglian «Bundstage», acziuns accumpignontas ed occurrenzas da partenaris.

 

En il stadi liber dallas Treis Ligias eran las dietas (Bundstage) las radunonzas las pli impurtontas. En in turnus regular era Glion, sco liug da fundaziun dil stadi liber e liug principal dalla Ligia Grischa, liug dalla reuniun dalla assamblea. Quella tradiziun duei vegnir reactivada duront igl onn da giubileum era a Glion.

 

Il «Bundstag» a Glion porscha la caschun  da sclarir la vasta historia dil stadi liber sco era dalla Ligia Grischa, mo era da s’occupar cun il svilup  dallas vischnauncas e las damondas dalla societad civila.

 

Il Museum Regiunal Surselva (Dr. Ursina Jecklin Candrian) e la Anna Catrina SA (Rino Caduff) han survegniu l'incumbensa dalla vischnaunca d'organisar il "Bundstag"

 

Informaziuns sur dil program anfleis sin la pagina da Surselva Turissem

·    

Nus essan in Museum da TiM

Veis Vus gust da visitar il museum cun accumpignament? Mirei ensemen cun in guid da TiM l'exposiziun, inventei ina historia e publichei quella sin "Musée imaginaire Suisse", www.mi-s.ch.

«TiM» ei adattau per tuts, da tutta vegliadetgna. Ina viseta da «TiM» ei gratuita

Inspiraziuns ed informaziuns anfleis Vus sin TiM – Tandem im Museum - Mit TiM ins Museum.