RM Seite drucken (öffnet Druckansicht in einem neuen Fenster)

Informaziuns per in padrinadi da stanza MRS

Interpresas d'industria, stizuns, ni era persunas privatas san sustener il MRS cun in padrinadi da stanza. Cun vossa contribuziun d’in padrinadi finanzieis vus duront in onn il manteniment d’ina stanza che vus ellegis. 37 localitads ni tematicas ein a disposiziun per il sustegn d'in padrinadi. Numerus/as "madretschas" e "padrins" ein gia biars onns attaschai dil padrinadi.

La localitad vegn signada
Il padrinadi vegn signaus cun ina tabla unitara en format 150 x 100 mm. Sin la tabla ei il logo dalla fatschenta ni  era il num dallas persunas privatas  indicadas. Ord ina gliesta san ins eleger in slogan. Quel sa accentuar las ragischs dalla regiun dil sponsur ni sia affinitad per la cultura indigena. Las tablas vegnan postadas all'entrada dalla localitad.

 

Cuost
Il padrinadi cuozza in onn e cuosta fr. 300.- cun ina cunvegna a scret. Il "padrin" ni la "madretscha" tarmetta sia suttascripziun al secretariat dil museum. Il museum procura silsuenter per la tabla cun las inscripziuns giavischadas. Il padrinadi vala per in onn calendari. Vegn el buca visaus entochen ils 30 da settember, succeda la renovaziun automaticamein

Haveis interess per in padrinadi da stanza? S'annunziei tier info(at)museumregiunal.ch