RM Seite drucken (öffnet Druckansicht in einem neuen Fenster)
interner Link zur Starseite  Home museum Rimnada 
La dieua da cletg Fortuna el MRS, pictura murala dalla mesadad dil 16avel tschentaner.
-(neues Fenster öffnet Foto in Originalgrösse)

Activitad da rimnar naven dils onns da fundaziun

Igl onn 2008 ha la rimnada dil MRS contonschiu in diember da varga novmelli objects. Els onns da fundaziun 1986-1991 ei vegniu rimnau intensivamein ed era cumprau sistematicamein. Suenter difficultads finanzialas all'entschatta dils onns navonta, ha il cussegl da fundaziun annunziau in "stop da cumpra".  Naven da lu prendan ils conservaturs mo encunter donaziuns pli. Igl ei denton era gartegiau sin quella moda da rimnar bials, custeivels ed interessants objects per il museum e quei mintg'onn ca. duatschien tocs.
Aschia ei l'activitad da rimnar stada casuala ni suttamessa alla "dieua da cletg Fortuna". Denton lubescha la documentaziun scientifica in proceder conceptziunal, demai ch'ella muossa adina puspei si largias ella rimnada. Ord quei intent vegn dapi in pèr onns encuretg e rimnau sistematicamein el MRS.

Parts dil mulin da Curaglia.
-(neues Fenster öffnet Foto in Originalgrösse)

Specialitads

Ina specialitad dil MRS ein segiramein ils luvratoris cumplets, sco p.ex. la serraria Albin, la fravgia d'irom da Pieder Arpagaus, il luvratori da calger da Georg Tschuor ni parts dalla fravgia da Flurin Monn e Sep Casutt. Quels luvratoris ein vegni demontai el liug original e puspei vegni tschentai si el MRS. Schizun ina resgia da Curaglia cun resgia da garter, mulin da vanar, fallun da giutta, fuola da glin ed ina pressa d'ieli da semglin han anflau la via el MRS. Quei inventari ei denton buca pusseivels da mirar el museum.