RM Seite drucken (öffnet Druckansicht in einem neuen Fenster)
interner Link zur Starseite  Home museum Fundaziun 

Dil rimnar agl intermediar.

Dil temps che la fundaziun Museum Regiunal Surselva ei vegnida fundada, ei il schurmetg dils beins culturals staus el center. Il "temps modern" ha era procurau en Surselva per midadas radicalas ella moda da luvrar ed el stil da viver. Biars utensils e schizun entirs inventaris da casas ein buca vegni duvrai pli, aschia che tut quei vegneva mess sin la deponia ni el meglier cass aunc sil marcau d'antiquitads. 

Tier il cass dil MRS ha in comite priu l'iniziativa ed ha fundau igl onn 1979 ina fundaziun cun la suandonta finamira: 

  • "Manteniment ed exposiziun d'objects da gronda muntada cun gronda impurtonza  per la regiun (decuors da menaschi e process da lavur) ord il sectur cultural tradiziunal puril ed artisanal".

Suenter quei principi ei vegniu luvrau. Oz posseda il MRS ina gronda e multifara rimnada  da varga novmelli objects da "muntada regiunala". 

Els onns 1994-2006 ein las informaziuns da basa dalla rimnada vegnidas retschercadas  ella documentaziun interna ed archivai. Davart da quei "project survetsch scientific" vegn rapportau sin in'autra pagina.

2008 survegn il Museum Regiunal cun la nova strategia ina leva midada da direcziun. Quella midada vegn era fatga egl intent dalla fundaziun.  Naven dil "rimnar, mantener ed exponer" fa la fundaziun dil MRS in pass tier igl "intermediar".  Medemamein lubescha il niev artechel  d'intent era da rimnar caussas ord il 20 e 21avel tschentaner ("temps modern", "temps industrial").