Resuns e fotografias dalla staffetta da tun
Nus publichein cheu mintga commentari e fotografias, che nus retschevein dils tibaders e d'auditurs.
Cheu saveis Vus leger suenter igl artechel da Jano Felice Pajarola dils 15 da zercladur ella Südostschweiz.
Crest
Il tun ei semess sin viadi naven da Vargistagn sur Mathon e Tguma. Ussa eis el arrivaus sil Crest tier Martin Riedhauser, che tarmetta el beinspert vinavon a Reiner Schilling.
Farcletta da Stavlatsch
Reiner Schilling ha giu grond plascher sin sia pastira.
 |
...per silsuenter sunar en direcziun da Hoch Büel ed Innerglas.
 |
Hoch Büel
Sunar en ei naturalmein era fetg impurtont.
 |
Trudi Montigel ha retschiert il tun da Reiner Schilling e suna ussa cun tutta forza encunter Innerglas tier Marcel Bass.
Trudi ha scret: " Die Sendung Telesguard ist auch super schön geworden. Alles war wunderbar und eine schöne Erfahrung. Wir sind wieder trocken und aufgewärmt".
Cheu il link tier Telesguard.
 |
Innerglas
Quel spetga buca ditg e tarmetta vinavon il tun en direcziun da Zalöner Hütta.
Zalöner Hütta
Christian Hunger ha udiu ils tuns da Marcel Bass neu digl Innerglas entochen en Val Stussavgia e scriva: "Es war eine tolle Aktion! Gruss aus dem Safiental".
 |
Riein
La pli giuvna tibadra Nadin ha gest 13 onns e sa gia sunar stupent la tiba. Cun ella ei Marius Hublard si Riein per tarmetter il tun vi sil Crap da Sevgein.
 |
Glion, clavau a Neufundland
Ils tuns ein arrivai a Glion. Ei ha tunau fetg bi giu dil Crap da Sevgein. Clemens Christoffel e Martin Walder han gest sunau en duas vuschs! Risch Cathomen ha tarmess ils tuns puspei anavos ella Val Schons.
Las duas organisaturas eran aschi nervusas, ch'ellas han emblidau da fotografar il tibader Risch Cathomen. Pér cura che tut era vargau ed ellas han fatg in viva sin las tibadas gartegiadas han ellas encurschiu igl apparat da fotografar bein pachetaus en la tastga. Viva!
