La sera da Nossadunna d'uost sil plaz Cadruvi a Breil. Igl emprem han ins udiu las tibas da dalunsch, diesch sunatibas eran sin ils sis posts. Il vent ha purtau ils tuns dils sunatibas tochen giu el vitg. Sch'ins mava in techet naven dil plaz Cadruvi udev'ins las differentas melodias ed ils tuns aunc meglier. Suenter ch'ils zenns han tuccau ein las gruppas da sunatibas d'alp dalla Surselva sesemtgai per il concert. Als Sunatibas Muntanialas da Glion, als Sunatibas Postabiala da Sumvitg sco era als Sunatibas da Sedrun eisi gartegiau excellent d'incantar il publicum. Suenter ein tuts s'entupai tier in puschegn e Ciril Friberg dil Forum cultural Breil ha engraziau a tuts per lur participaziun.