Las Tibadas che vegnan mintg'onn organisadas da Nossadunna d'uost ein uonn stadas a Surrein, in liug cun gronda tradiziun el sunar e construir tibas. La sera da Nossadunna d'uost, ils 15 d'uost 2014, han ils/las sunatibas sunau naven dad otg differents cuolms e crests signals e libras improvisaziuns da melodias encunter Surrein. Numerus visitaders ein vegni a tedlar ils tuns dallas tibas malgrad la plievgia, la nebla ed il fred.

Suenter il tuchiez dils zenns baselgia han ils visitaders saviu guder in concert el liber dallas treis gruppas da suntibas d'alp dalla Surselva. Als Sunatibas Muntanialas da Glion, als Sunatibas Postabiala da Sumvitg sco era als Sunatibas da Sedrun eisi gartegiau excellent d'incantar il publicum. Sco punct final ha ei dau in «Ave Maria dil signun» da Pauli Bass da Clavadi.

Suneter ein tuts s'entupai ell'Ustria sil plaz per dustar la fom e la seit e naturalmein era per dar ina paterlada sur dallas Tibadas d'uonn...


Rapport: Bündner Tagblatt, 18.08.2014 (Sabrina Bundi) - Part 1 e Part 2