Uras d'avertura
Il Museum ei aviarts mintgamai mardis entochen dumengia naven dallas 14:00 entochen las 17:00.
Guidas, luvratoris per affons e visetas da classas da scola purschin nus sin damonda bugen era ordeifer il temps d'avertura.
PROXIMAS OCCURRENZAS:
PROGRAM DA STAD PILS AFFONS
Mesjamna: 09.07.2025 / 10.00 – 12.00
Far savun
(per affons sur 5 onns)
Neu a nies luvratori da far savun! Cheu astgan affons naven da 6 onns producir lur agen savun plein odur e colurs. Ensemen scuvrin nus co ins sa far tocs da savun ed alla fin prendan ils affons cun els lur savuns fatgs sezs. In'experientscha divertenta e creativa!
Mesjamna: 16.07.2025 / 10.00 – 12.00
dil fil alla teila
(per affons sur 5 onns)
Quei luvratori d’eveniment tracta dall’elavuraziun dalla launa, naven dil tunder la nuorsa entochen il teisser. Nus scarsinein, filein, luvrein vid il taler e zambergein in rom da teisser, cun il qual ins sa esser fetg creativs.
Mesjamna: 06.08.2025 / 10.00 – 12.00
baghegiar in albiert per ils aviuls
(per affons sur 7 onns)
El luvratori d’aviuls emprendan ils pigns amitgs dalla natira con impurtont ch’ils aviuls ein per nies ambient. Ensemen construin nus in'atgna casa d'aviuls cun materials persistents ed emprendin co ils aviuls vivan e lavuran leu. Ils affons astgan esser creativs, baghegiar sez in albiert d’aviuls e prender a casa quel. In'experientscha instructiva e divertenta, nua ch'ils affons emprendan bia sur dils aviuls e la protecziun da nossa natira!
Diember limitau da 10 affons
Cuosts: CHF 15.00 p. affon
Annunzias entochen il di avon allas 16.30 tiel Museum Regiunal Surselva,
+41 (0)81 925 41 81 oder info(at)museumregiunal.ch
Exposiziun speciala ella garascha Stefan Fontana „AutoGR100. Mobil atras la Surselva“
dils 17 da zercladur entochen ils 31 d'uost 2025
Per il giubileum da 100 onns automobil el Grischun muossa il Museum Regiunal Surselva en la garascha da Stefan Fontana a Glion l'exposiziun "AutoGR100. Mobil atras la Surselva".
Pér dapi tschien onns eisi lubiu da carrar cun auto el Grischun. Il traffic motorisau ha caschunau grondas midadas en la societad e la cuntrada.
L'exposiziun muossa quellas midadas en Surselva cun numerusas fotografias ord archivs privats: ils emprems cuors d’auto da posta, il svilup dil traffic individual, il niev sentiment da carrar ed il plascher dalla nova libertad, la construcziun da vias e las midadas dil sistem da transport, las empremas garaschas ed ils indrezs da tancar, excursiuns e la stretga relaziun cugl agen vehichel, mo era dil buordi che crescha enstagl dil plascher.
Program accumpignont
- Vernissascha dil cudisch "100 onns motorisaziun en il Grischun" cugl autur Simon Bundi e gl’institut per la perscrutaziun dalla cultura grischuna (ikg),
- Viseta en il museum da Toyota a Vuorz,
- Presentaziun dil film "100 onns auto GR. Il triumf dalla maschina nongrata" da Petra Rothmund ed in discuors cun persunalitads dil film,
- Viseta en il museum da Emil Frey a Safenwil,
- Viadi cun gl’auto da posta istoric a Samedan,
- Sentupada da Jaguar a Glion, e.a.
Ils detagls dil program vegnan publicai cuntinuadamein sin la pagina museumregiunal.ch
PROLUNGAZIUN DALLA EXPOSIZIUN SPECIALA ENTOCHEN FIN FENADUR 2025
"13 x Ilanz/Glion. Cumin e cuminonza" cun novs portrets da burgheis e burgheisas dalla vischnaunca da Ilanz/Glion.
Fotografias Lucia Degonda ı Jaromir Kreiliger
L'autonomia communala ha ina gronda impurtonza el Grischun. En vesta al svilup communal historic en il cantun ed en Surselva s’occupescha l' exposiziun speciala el Museum Regiunal Surselva cun la vischnaunca da Ilanz/Glion, ch'exista dapi gl’onn 2014, sedamonda davart la fuorma dalla convivenza ella politica ed ella societad dad oz.
En numerus purtrets e biaras intervestas vegnan persunas or dalla vischnaunca a plaid e las visitadras ed ils visitaders pon exprimer sezs lur opiniun davart temas sco la participaziun politica, la formaziun d' opiniuns, la convivenza ed igl engaschament.
Curatur hospitont Bruno Meier, scenograf Remo Arpagaus
Digl individi alla cuminonza
Niev luvratori, 4. entochen 7. classa tier l’exposiziun speciala actuala « Cumin e cuminonza”
En l’exposiziun speciala actuala “13 x Ilanz/Glion. Cumin e cuminonza” dil Museum Regiunal Surselva semova tut entuorn la convivenza: Co funcziuna cuminonza? Tgei drova ei per ina cuminonza pascheivla? Tgi contribuescha tgei? El luvratori da scola emprendan las scolaras ed ils scolars enzatgei davart la naschientscha ed il svilup d’ina vischnaunca e davart la cuminonza en Surselva e fan tests practics per la convivenza en lur classa. Els vegnan activs e laian anavos fastitgs ell’exposiziun, enriheschan quella ed emprendan enzatgei per en scola.
Il luvratori ei adattaus naven dalla 4. classa e cuozza 90 minutas. Enconuschientschas preliminaras ein buca necessarias.
Cuosts:
1-10 affons frs. 180.--
11-20 affons frs. 260.--
Prezis per classas da scola da Ilanz/Glion:
1-10 affons frs. 120.--
11-20 affons frs. 200.--
Visetas culturalas/spesas da viadi
Il cantun promova e sustegn visetas culturalas da classas da scola. Ulteriuras informaziuns anfleis Vus sin la pagina dalla promoziun cantunala da cultura.
Cheu anfleis Vus il formular d’annunzia e da consentiment.
Ina nova exposiziun permanenta pil Museum Regiunal Surselva
Duront ils davos 15 onns ha la fundaziun Museum Regiunal Surselva investau bia en la cumplettaziun, en l’analisa scientifica ed en la digitalisaziun digl inventari. Igl onn 2013 han ins saviu realisar in deposit (arcun da cultura) aposta pils objects dil museum. Medemamein ei la Casa Carniec vegnida renovada e modernisada. In ascensur colligia oz las alzadas dil museum cun rodund 900 m2 surfatscha da diever.
Sco davos pass duei uss l’exposiziun permanenta vegnida modernisada e surluvrada tematicamein da funs ensi. Per contonscher in concept da realisaziun consolidau han ins elaborau en in emprem pass in muossavia pil museum futur. Quei muossavia ei seresultaus ord in stretg brat denter il cussegl da fundaziun ed il team dil museum e cumpeglia sper in’analisa da SWOT, ina strategia (visiun, missiun, finamira e mesiras concretas) sco era in’emprema messa davart ils temas, il narrativ e davart il diever dallas localitads.
Actualmein sesanfla il project en la fasa da finanziaziun. Igl MRS enquera donaturAs e sponsurAs per realisar l’exposiziun. Cheu anfleis Vus ulteriuras Informaziuns davart la concepziun:
Indicaziuns da banca:
Graubündner Kantonalbank
Stiftung Museum Regiunal Surselva
Städtlistrasse 10, 7130 Ilanz
IBAN CH03 0077 4110 2316 0560 0
