MUSEUM REGIUNAL SURSELVA

Daventar activ

Il Museum Regiunal Surselva presta gronda lavur per la regiun Surselva cun la purschida culturala, cun formaziun e cun scolaziun

L'exposiziun permanenta, inscenada didactic, muossa la veta dil temps vargau en Surselva. En nossa casa saveis admirar mintg'onn variontas exposiziuns accumpignadas d'in program mulifar. Per affons e famiglias, classas da scola ni gruppas interessadas purschin ina vasta offerta d'intermediaziun, p.ex. guidas, workshops, luvratoris d'eveniments ni era turs. Il december porschan giugadurs e musicists duas gadas ad jamna presentaziuns tenor il program d'Advent.

Il Museum Regiunal Surselva ei era responsabels per la purschida da mira!cultura, guidas da cultura, da lungatg e guidas tras ils vitgs da Trun, Breil, Sursaissa, Vuorz la Foppa, Glion, Surcasti, Vella, Lumbrein e Vrin. Tier quellas guidas vegnan ils hosps informai dalla historia e cultura dalla Surselva. Adina puspei dat ei novas guidas

Nies intent ei da sesarver e promover il svilup el marcau vegl ed en la regiun. Aschia ein nossas portas aviartas pli stedi ed en il bi curtin havein aviert in Caffè (servatez). Mintgamai il davos venderdis dil meins ei la BARgia (bar dil museum) aviarta naven dalla 18.00 uras.

Nossas purschidas ein buca mo variantas da macort'aura, mobein purschidas che nus svilupein e che vegnan commerzialisadas dil turissem e schazegiadas da hosps ed indigens.

L’organisaziun e formaziun da nossa lavur succeda cun ina stretga basa finanziala ed en in pign team. Mo entras igl engaschi da persunas che segidan per ina pintga indemnisaziun ni gratuitamein, perqeui ch’il Museum schai ad els a cor, eisi pusseivel da poscher quei program multifar.

Vegni activs e susteni nossa lavur. Per mintga sustegn sco fautur/ra, cun in padrinadi da stanza, cun ina donaziun ni eventual cun in legat. Nus essan fetg engrazieivels!