RM Seite drucken (öffnet Druckansicht in einem neuen Fenster)

mira!cultura Ortsführungen Vella e Vella/Pleif

Il liug da sentupada ei la fermada digl auto da posta Vella. Las guidas san vegnir reservadas da gruppas. Nus sespruein da risguardar vies termin preferiu. Bugen prendin encunter Vossa preannunzia per formular ni per telefon (+41 81 925 41 81).

nordlichtphoto.com
-(neues Fenster öffnet Foto in Originalgrösse)

Dad Ardüser tochen Zumthor

Vella ei il liug principal dalla nova vischanunca Lumnezia. Naven dil biro d’informaziun spassegein nus atras las streglias sper il Casti De Mont ora tier la tuor da fiug e puspei anavos al vegl plaz Cadruvi. Cheu steva pli baul il clutger dalla casa da scola e la Dertgira nera seradunava en la claustra. Nus visitein la caplutta da s. Roc cun maletgs da Hans Ardüser e d'Alois Carigiet. Naven dil niev plaz Cadruvi admirein nus l’architectura moderna ed igl art dil vitg ed ughegein da dar in’egliada pil futur dalla val.

Cuoz: 90 minutas

Cuosts: frs. 170 per guida da maximal 24 persunas.

 

 

 

nordlichtphoto.com
-(neues Fenster öffnet Foto in Originalgrösse)

Lepanto e las valerusas              

La fracziun da Pleif sutvart da Vella ei eternamein il center spirtal dalla Val Lumnezia.  Cheu stat l’imposanta baselgia da S.Vintschégn cun lur inventari pumpus e lur liunga historia da baghegiar muort il sutterren ch’ei semper en moviment. Biaras détgas e praulas raquentan da quei liug: Il mir dil santeri seigi dubels e l’alea da fraissens meini el nuot. In imposant maletg d’ina battaglia e fessas en la miraglia fuorman igl intern dalla baselgia. Cheu sesan las dunnas els bauns, tenor vegl usit e dretg, dalla vart dretga ed ils umens selaudan sco tercs.

Cuoz: 60 minutas.

Cuosts: CHF 120 per guida da maximal 24 persunas.