RM Seite drucken (öffnet Druckansicht in einem neuen Fenster)

mira!cultura Waltensburg/Vuorz

Il liug da sentupada per tut ils guids da Vuorz ei la fermada digl auto da posta Cadruvi. Ils guids san vegnir reservai da gruppas da maximal 24 persunas. Nus sespruein da risguardar Vies termin preferiu. Bugen prendin encunter Vossa preannunzia per formular ni per telefon (+41 81 925 41 81).

nordlichtphoto.com
-(neues Fenster öffnet Foto in Originalgrösse)

Meisterpictur dil temps medieval
La pli gronda ovra dil meister da Vuorz ei la passiun en la baselgia. Tgei muossan ils frescos? Co ein els vegni fatgs? Tgei ha menau il nunenconuschent meister  el 14avel tschentaner a Vuorz? La guida meina ella baselgia parochiala evangelica da Vuorz ed el museum dedicaus als meister da Vuorz. 
Cuoz: 90 minutas. Cuosts: frs. 170 per guid.

nordlichtphoto.com
-(neues Fenster öffnet Foto in Originalgrösse)

Pussonza e nunpussonza
Il casti sco centrum dalla pussonza dil segneradi dil Munt s.Gieri ed il Crest dalla fuortga sco liug d'execuziun da strias ein perdetgas das dus capetels dalla historia da Vuorz. Tgei fatgas stattan davostier? Sin la guida en la part orientala da Vuorz cattein nus ulteriurs indezis ord la historia da bronz entochen oz.
Cuoz: 90 minutas. Cuosts: frs. 170 per guid

Impurtont: buns calzers e resti adatau.

nordlichtphoto.com
-(neues Fenster öffnet Foto in Originalgrösse)

Liung vitg sper la via
Il num romontsch Vuorz deriva dil plaid latin "furcus" (fuortga) e duei derivar dalla fuortga amiez il vitg. Sin la guida en la part occidentala da Vuorz suandein nus la via encunter Breil entochen il casti Grotta. Observein da surengiu il liung vitg e siu svilup actual e turnein sin la via d'Andiast anavos el centrum.
Cuoz: 90 minutas. Cuosts: frs. 170 per guid

Impurtont: buns calzers e resti adatau.

-(neues Fenster öffnet Foto in Originalgrösse)

Cheu in artichel ella Quotidiana dils 30.7.2015 surda quella guida da mira!cultura